>> ស្វែងយល់ពីព្រឹត្តិការណ៍ដែលបានគ្រោងទុកសម្រាប់ “ភ្នំពេញ ទីក្រុងមានជីជាតិ” <<
នៅពីក្រោយគម្រោងរបស់អ្នករៀបចំតំបន់បៃតង ឬគម្រោងរបស់ស្ថាបត្យករ គឺតែងតែមានសំណួរអំពីការរស់នៅរបៀបថ្មីក្នុងពិភពលោក និងការសម្របបែបផែននៃការផលិតទៅនឹងរបៀបថ្មីនេះ។ ពិព័រណ៍ផ្សេងៗដែលមាននៅក្នុងស៊េរីព្រឹត្តិការណ៍នេះ គឺដើម្បីដាក់គ្រឹះគំរូលំនៅដ្ឋានថ្មីៗ ដែលគិតគូរពីបញ្ហាបរិស្ថាន សេដ្ឋកិច្ច និងការផ្លាស់ប្តូរដែលកំពុងលុកលុយសង្គមនាពេលបច្ចុប្បន្ន។
ការពង្រីកទីក្រុងមួយដែលកំពុងផ្លាស់ប្ដូរ ៖ ការដាក់ឱ្យមានកន្លែងបៃតងគឺចាំបាច់ណាស់ ដើម្បីឱ្យទីក្រុងអភិវឌ្ឍផ្សាភ្ជាប់នឹងបរិស្ថានធម្មជាតិ។ ការសាងសង់ទីក្រុងមួយដែលទំនើប ៖ គិតពីថាតើដើមឈើត្រូវដាក់នៅកន្លែងណា? ពេលខ្លះក៏រក្សាទុក ពេលខ្លះក៏ដាំបន្ថែម ពោលគឺស្ថាបត្យករ អ្នករៀបចំទីក្រុង និងអ្នករៀបចំតំបន់បៃតង តែងតែគិតគូរពីដើមឈើ។
ដូច្នេះ តើធ្វើដូចម្តេចដើម្បីអភិវឌ្ឍរាជធានីភ្នំពេញ? តើគួរថែរក្សាបេតិកភណ្ឌស្ថាបត្យកម្មរបស់ទីក្រុងភ្នំពេញទេ? តើកន្លែងណាដែលត្រូវរៀបឱ្យមានសួន? ដាំ តម្រឹម តម្រង់ នៅហាលវាល នៅខាងក្នុង ដាំរង្វើល ដាំចម្រុះ ដាំញឹក កាយ សាងសង់…រង់ចាំ ឬគ្រាន់តែទុកចោលឱ្យស្មៅដុះ។ ការថែរក្សាកន្លែងរស់នៅ និងបរិស្ថានរបស់វា គឺជាពាក្យគន្លឹះនៃការតាំងពិព័រណ៌នារដូវកាលនេះ “ទីក្រុងមានជីជាតិ” ដែលជាដំណើរពិតមួយឆ្លងកាត់បេះដូងនៃរាជធានីភ្នំពេញ។
ពិព័រណ៍ទាំងនេះអមដោយសន្និសីទ កិច្ចពិភាក្សាតុមូល ការបញ្ចាំងភាពយន្ត និងស្ថាបត្យកម្ម ព្រមទាំងការទស្សនាដោយមានការពន្យល់ទៀតផង។
