ទស្សនិយភាព | ៣ រាត្រីអំពីសិល្បៈសម្តែងនៅកម្ពុជា

វិទ្យាស្ថានបារាំងនៅកម្ពុជា បន្តប្រារព្ធពិធីអបអរសាទរខួបលើក ៣០ឆ្នាំនៅកម្ពុជា !

ជាមួយនឹងរាត្រីចំនួនបី ដើម្បីឧទ្ទិសដល់ការរាំ ល្ខោន និងសៀក វិទ្យាស្ថានបារាំង បានអញ្ជើញសិល្បករគ្រប់វ័យ ដើម្បីបារព្ធពិធីអបអរសាទរដល់សិល្បកម្ពុជា រួមគ្នាមួយ នៅក្នុងសួនរបស់ខ្លួន។

—

• ថ្ងៃព្រហស្បតិ៍ ទី២៤ ខែវិច្ឆិកា ម៉ោង ៦កន្លះល្ងាច
ល្ខោនពាក់របាំងមុខ៖ ល្ខោនខោល

ស្វែងយល់ពីប្រភេទរឿងល្ខោនខ្មែរមួយប្រភេទដែលមានឈ្មោះថា ល្ខោនខោល ឬ ល្ខោនពាក់របាំងមុខ។ សម្តែងដោយអ្នករាំ និងតន្ត្រីករ មកពី សមាគមយុវជនល្ខោនខោលកម្ពុជា ការសម្តែងនេះនឹងដកស្រង់ចេញពីរឿងរាមាយណៈ ឬរាមកេរ្តិ៍។

ល្ខោនខោល ជាល្ខោនប្រពៃណីរបស់ប្រទេសកម្ពុជា។ វាជារោងមហោស្រពរបាំងមុខដែលមានដើមកំណើតនៅសតវត្សទី ១០ ។ នៅឆ្នាំ ២០១៨ សិល្បៈនេះត្រូវបានចុះក្នុងបញ្ជីបេតិកភណ្ឌវប្បធម៌អរូបីដែលត្រូវការការការពារជាបន្ទាន់ដោយអង្គការយូណេស្កូ។ ការសម្តែងធម្មតារបស់ ល្ខោនខោល រួមមានការណែនាំពីអ្នកនិទានរឿងក្នុងទម្រង់នៃការនិទានរឿង និងការសន្ទនា អមដោយរបាំដែលមានក្បាច់រាំស្រដៀងនឹងរបាំព្រះរាជទ្រព្យ។ យ៉ាងណាក៏ដោយ កាយវិការដៃ ជើង និងដងខ្លួនគឺពិតតាមប្រវត្តិសាស្ត្ររឿងរាមកេរ្តិ៍ខ្មែរ។ ភ្លេងបុរាណខ្មែរ ហៅភ្លេងពិណពាទ្យ ជាផ្នែកសំខាន់នៃរបាំ។

• ថ្ងៃសុក្រ ទី ២៥ ខែវិច្ឆិកា ម៉ោង ៦កន្លះល្ងាច
ល្ខោនតន្ត្រី៖ ល្ខោនយីកេ

សម្រាប់រាត្រីទីពីរនេះ ដើម្បីឧទ្ទិសដល់សិល្បៈខ្មែរ សូមស្វែងយល់ពីល្ខោនខ្មែរមួយប្រភេទទៀត ដែលមានឈ្មោះថា ល្ខោនយីកេ ជាថ្មីម្តងទៀត ជាមួយនឹងអ្នករាំ និងតន្ត្រីករនៃសាកលវិទ្យាល័យភូមិន្ទវិចិត្រសិល្បៈ ព្រមទាំងរីករាយនឹងការសម្តែងរបស់ពួកគាត់។

ល្ខោនយីកេ ត្រូវបានលេងស្ទើរតែគ្រប់ខេត្តនៃប្រទេសកម្ពុជា និងដោយសហគមន៍ខ្មែរក្រោមនៅភាគខាងត្បូងប្រទេសវៀតណាម។ រឿងពីល្ខោនប្រភេទនេះ ច្រើនតែនិយាយអំពីឈុតឆាកពីជីវិតប្រចាំថ្ងៃ ឬរឿងពីជីវិតរបស់ព្រះពុទ្ធ។ សព្វថ្ងៃនេះ ការសម្តែងបានរីកដុះដាលក្នុងប្រជាប្រិយភាពពីកសិករខ្មែរ ហើយបានវិវត្តន៍តាមពេលវេលាទៅជាទម្រង់សិល្បៈល្ខោន ដើម្បីលើកតម្កើងការបង្រៀនរបស់ព្រះពុទ្ធសាសនា និងព្រហ្មញ្ញសាសនា។

• ថ្ងៃសៅ ទី ២៦ ខែវិច្ឆិកា ម៉ោង ៦កន្លះល្ងាច
សៀកជាមួយអង្គការហ្វារពន្លឺសិល្បៈ

ជាងសៀក វិចិត្រករ មកពីអង្គការហ្វារពន្លឺសិល្បៈ ដោយពួកគាត់ប្រើល្ខោន តន្ត្រី របាំ និងសិល្បៈសៀក ដើម្បីប្រាប់រឿងខ្មែរប្លែកៗ ពី ប្រវត្តិសាស្រ្ត ប្រជាជន និងសម័យទំនើប។ សិល្បករសៀកវ័យក្មេងនឹងធ្វើឱ្យអ្នកភ្ញាក់ផ្អើលជាមួយនឹងថាមពល អារម្មណ៍ ភាពរីករាយ និងភាពប៉ិនប្រសប់របស់ពួកគេក្នុងអំឡុងពេលល្ងាចនេះនៅសួនច្បារនៃវិទ្យាស្ថានបារាំងកម្ពុជា។

សង្ខេប៖ បុរសម្នាក់បានចាកចេញពីស្រុកកំណើតទៅធ្វើការនៅទីក្រុងទំនើប បែបឌីជីថល។ គាត់នឹកឃើញពីដំណើរជីវិតនៅស្រុកកំណើតដែលខុសពីទីក្រុង។ វាស្ងប់ស្ងាត់ រីករាយ ជាមួយនឹងព្រឹត្តិការណ៍វប្បធម៌ជាច្រើន ដែលអនុញ្ញាតឱ្យមនុស្សជាច្រើនចូលរួមក្នុងជីវិតសហគមន៍ដោយសុភមង្គល។ ទោះបីជាគាត់រស់នៅក្នុងទីក្រុងក៏ដោយក៏គំនិតរបស់គាត់នៅតែមាន។