- បរិវេណនៃវិទ្យាស្ថានបារាំង
- ពីថ្ងៃទី ១៥ ខែធ្នូ ឆ្នាំ២០២០ ដល់ ថ្ងៃទី ៣០ ខែមករា ឆ្នាំ២០២១
- ចូលរួមដោយសេរី
- ហ៊្សុយលី ស្តេហ្វិន ឆេង
ហ៊្សុយលី ស្តេហ្វិន ឆេង បង្ហាញពីដំណើរស្វែងរកមួយដោយប្រើប្រាស់បច្ចេកវិទ្យា AR។ ពពួកតានុយគិ គឺជាព្រលឹងនៃធម្មជាតិដែលរស់នៅរាយប៉ាយគ្រប់ទីកន្លែងជុំវិញខ្លួនអ្នក។ ពួកគេនឹងសួរពីជីវិតរស់នៅប្រចាំថ្ងៃរបស់យើង ហើយមានប្រតិកម្មឆ្លើយតបទៅនឹងចម្លើយរបស់អ្នក ដើម្បីឲ្យអ្នកអាចស្វែងយល់អំពីខ្លួនអ្នកបាន។ ដោយយកគំនូរពោរពេញដោយពណ៌ចម្រុះគ្នារបស់លោកស្រីទៅបង្កើតជារូបភាពតាមបច្ចេកវិទ្យា AR ហ៊្សុយលី ស្តេហ្វិន ឆេង ប្រើប្រាស់ទូរស័ព្ទដៃបង្កើតជាតម្រងនៃពិភពពិតដ៏អស្ចារ្យមួយ ដែលអនុញ្ញាតឲ្យយើងអាចដាក់ផ្ទៃដែលមានរូបភាពចូលគ្នា ជាមួយនឹងពិភពនិម្មិតដែលត្រូវបានបង្កើតឡើងយ៉ាងជិតស្និទ្ធ។
តើវាដំណើរការយ៉ាងដូចម៉េច?
• រកមើលនៅគ្រប់កន្លែងនៃបរិវេណវិទ្យាស្ថានបារាំង ដើម្បីស្វែងរកពពួកតានុយគិដែលនៅតាមជញ្ជាំង
• ទាញយកកម្មវិធី Uramado AR, le réveil des Tanukis ប្រើប្រាស់លើទូរស័ព្ទដោយឥតគិតថ្លៃនៅលើ Android ឬ iOS
• ភ្ជាប់កម្មវិធីនោះជាមួយកាមេរ់ាទូរស័ព្ទ
• បើកាមេរ៉ាស្គេនលើរូប ពពួកតានុយគិទាំងនោះ
• ឆ្លើយតបនឹងសំនួរដែលបង្ហាញ
ហ៊្សុយលី ស្តេហ្វិន ឆេង គឺជាអ្នកច្នៃម៉ូត វិចិត្រការនី និងជាអ្នកនិពន្ធ មកពីទីក្រុងប៉ារីស។ បន្ទាប់ពីបានទទួលសញ្ញាប័ត្រលើជំនាញសិល្បៈតុបតែលម្អពីទីក្រុងប៉ារីសរួចមក លោកស្រីធ្វើការលើគុណភាពនៃក្រដាសសៀវភៅ និងគុណភាពនៃប្រព័ន្ធឌីជីថល នៅក្នុងវិស័យសៀវភៅ ការច្នៃម៉ូត និងការរចនាឈុតឆាក។ នៅឆ្នាំ២០១៤ លោកស្រីបានទៅស្នាក់នៅក្នុងនាមជាសិល្បករ និងធ្វើការនៅ មជ្ឈមណ្ឌលសិល្បៈហុងកុង ហើយនៅក្នុងឆ្នាំ២០១៦ លោកស្រីបានឈ្នះពានរង្វាន់ «សិល្បៈបែបឌីជីថល» ពីវីឡា គុហ្សូយ៉ាម៉ា នៅឯទីក្រុងក្យូតូ។ ចាប់ពីឆ្នាំ២០១៧ លោកស្រីបានដាក់បង្ហាញ «ពិភពអ៊ុយរ៉ាម៉ាដូ» នៅសារមន្ទីរក្នុងសារមន្ទីជាច្រើននៅជុំវិញពិភពលោក (តូក្យូ ក្យូតូ ញ៉ូវយ៉ក ប៉ារីស ជាដើម)។
